ရခိုင်ပြည်နယ် စစ်တွေမြို့၌ ယမန်နေ့ မွန်းလွဲပိုင်းတွင် ဘင်္ဂါလီ ၁၅၀ ကျော် စုရုံးချီတတ်လာသဖြင့် အစိုးရ လုံခြုံရေးအဖွဲ့များက သေနတ် မိုးပေါ်ပစ်ဖောက်၍ လူစုခွဲခဲ့ရကြောင်း စစ်တွေမြို့ အာဏာပိုင်များနှင့် ဒေသခံများက ပြောသည်။ စစ်တွေမြို့စွန်ရှိ မင်းဂံရပ်ကွက်၏ အနောက်ဘက် ၂ ဖာလုံခန့်ဝေးသော ဘင်္ဂါလီလူမျိုးများ နေထိုင်ရာ ဒွိဝပြင် ရွာမှ ဗလီတက်ပြီး ပြန်လာကြသော ဘင်္ဂါလီများက အုပ်စုဖွဲ့၍ မင်းဂံရွာဖက်သို့ စုရုံးတက်လာခဲ့ပြီး လုံခြုံရေးအဖွဲ့များက နှုတ်ဖြင့် တားမြစ်ခြင်းကို ဆန့်ကျင်သဖြင့် သေနတ်ဖောက်၍ တားဆီးခဲ့ရခြင်းဖြစ်ကြောင်း သိရသည်။ “အုပ်စုလိုက် ရခိုင်တွေနေတဲ့ မင်းဂံရွာဖက်ကို တက်လာတယ်။ လုံခြုံရေးတွေက ထပ်မတက်လာဖို့ လူစုခွဲဖို့ တားတယ်၊ သူတို့က ဆက်တက်တယ်။ အဲဒါနဲ့ လုံခြုံရေး အယောက် ၃၀ လောက်က သေနက်ဆက်တိုက် ဖောက်လိုက်မှ လူစုကွဲသွားတယ်” ဟု စစ်တွေမြို့ခံတဦးက ဧရာဝတီသို့ပြောသည်။ အဆိုပါဖြစ်စဉ်နှင့် ပတ်သက်၍ စစ်တွေမြို့ပေါ်ရှိ အမှတ် (၁) နှင့် အမှတ် (၂) ရဲစခန်းများသို့ ဆက်သွယ်မေးမြန်းရာ ဖြစ်စဉ်မှန်ကန်သော်လည်း အသေးစိတ်အချက်များကို ပြောဆိုခွင့်မရှိကြောင်း ပြောသည်။ ပြည်နယ်အစိုးရ ပြန်ကြားရေးကို ဆက်သွယ် မေးမြန်းခဲ့ရာတွင် ဖုန်းဖြေဆိုခြင်း မရှိပေ။ ရခိုင်ပြည်နယ်အတွင်း အဓိကရုဏ်းများဖြစ်ပွားခဲ့မှုကြောင့် သမ္မတ ဦးသိန်းစိန်က ဇွန်လ ၁၀ ရက် ညမှ စတင်၍ ရခိုင်ပြည်နယ်ကို ပုဒ်မ ၁၄၄ ညမထွက်ရ အမိန့်ထုတ်ပြန်ထားသကဲ့သို့ အရေးပေါ် အခြေအနေလည်း ထုတ်ပြန်ထားသည်။ ထိုသို့ ထုတ်ပြန်ပြီးနောက် ဗလီများတွင် ယခုကဲ့သို့ အများအပြား စုရုံးခြင်းမရှိသော်လည်း ယမန်နေ့က အစ္စလမ် ဘာသာဝင်များ၏ ရာမာဒန် ခေါ် ဥပုသ်လ စတင်သည့်နေ့ဖြစ်ခြင်းကြောင့် ဗလီတွင် ဘင်္ဂါလီများ စုခဲ့ကြပြီး မင်းဂံရွာဖက်သို့ တက်လာခြင်း ဖြစ်နိုင်ကြောင်း စစ်တွေမြို့ခံများက သုံးသပ်ပြောဆိုနေကြသည်။ ဘင်္ဂါလီများ အုပ်စုဖွဲ့၍ စစ်တွေမြို့ဘက် တက်လာကြောင်း မြို့တွင်း၌ ပြန့်နှံ့ခဲ့ပြီးနောက် မြို့ခံများလည်း စိုးရိမ်ပူပန်မှုများ ဖြစ်ခဲ့ရကြောင်း၊ သို့သော် ညနေပိုင်းတွင် မြို့ပေါ်၌ တည်တည်ငြိမ်ငြိမ် ပြန်ဖြစ်သွားကြောင်း စစ်တွေမြို့ခံတဦးက ပြောသည်။ “အစက သူတို့တက်လာတယ်ဆိုပြီး ဒီမှာ တဆင့်စကားကနေ ကြားတယ်။ ပြဿနာတွေ ပြန်စပြန်တော့မလားဆိုပြီး ကြောက်လန့်စိတ်တော့ ဖြစ်တာပေါ့။ ညနေပိုင်းတော့ ထိန်းနိုင်လိုက်တယ်ဆိုတော့ စိတ်ပူတာလျော့သွားတယ်” ဟု ၎င်းက ဧရာဝတီသို့ ပြောသည်။ စစ်တွေမြို့နယ် ပြည်နယ်လွှတ်တော် အမတ် ဦးအောင်မြကျော်ကလည်း “တမြို့လုံးရိုတ်ခတ်သွားတာပေါ့။ အစိုးရကတော့ ပြောတာပါပဲ၊ တည်ငြိမ်အေးချမ်းသွားပြီ၊ ထိန်းနိုင်ပြီဆိုပြီး အခုလိုအခြေအနေမျိုးကြတော့ ဘယ်လိုမှ စိတ်ချလို့မရဘူး။ ပြည်သူလူထုက ကျီးလန့်စာစားရမယ့် သဘောမျိုးဖြစ်နေတာပေါ့” ဟု ၎င်းက ဆက်ပြောသည်။ အစ္စလမ် ဘာသာဝင်များနှင့် စုဖွဲ့ထားသော အမျိုးသား ဖွံ့ဖြိုးတိုးတက်ရေး ဒီမိုကရက်တစ်ပါတီ (NDPD) ဗဟို ကော်မတီအဖွဲ့ဝင် ဦးခင်ကျော်က ယနေ့မှစ၍ တလအတွင်း အစ္စလမ်ဘာသာဝင်တိုင်း အထွဋ်အမြတ်ထားရာ ရာမာဒန် (ဥပုသ်လ) ဖြစ်ကြောင်း ထို့ကြောင့် အစ္စလမ် ဘာသာဝင်အများစုမှာ တလတိတိ ဥပုသ်ဝင်ကြလိမ့်မည်ဖြစ်ကြောင်း ပြောသည်။ အကြမ်းဖက်မှုများ ဖြစ်ပွားခဲ့သော မောင်တော၊ ဗူးသီးတောင်နှင့် တခြားမြို့များတွင် တည်ငြိမ်နေပြီး ထိုမြို့နယ်များရှိ ဒေသခံများအနေဖြင့် လယ်ယာလုပ်ငန်းများ ပြန်လည် လုပ်ကိုင်နေကြပြီးဖြစ်ကြောင်း ဧရာဝတီက စုံစမ်းသိရှိရသည်။ ထို့အတူ ယခင်က ဘင်္ဂါလီများ အန္တရာယ်ပေးမည်ကို စိုးရိမ်နေကြသော ဘင်္ဂလားဒေ့ရ်ှနိုင်ငံဘက်အခြမ်းရှိ ရခိုင်လူမျိုးများနေထိုင်ရာ ကျေးရွာများကို ဘင်္ဂလားဒေ့ရှ် နယ်ခြားစောင့်တပ် (BGB) က လုံခြုံရေး ဆက်လက်ယူထားပေးသဖြင့် လတ်တလော အခြေအနေများအရ စိုးရိမ်စရာမရှိဟု ဆိုသည်။ “ဒီဘက်ကမှာကတော့ အေးအေးဆေးဆေးပဲ ရှိနေကြပါတယ်။ ဒီအစိုးရကလည်း ထိန်းနေတာကြောင့်လည်းပါတယ်။ ဘင်္ဂါလီကိစ္စ အခု ဥပုသ်လမှာ ငြိမ်သွားနိုင်တယ်” ဟု ဘင်္ဂလားဒေရှ့် နယ်စပ်တွင် နေထိုင်သူ မြန်မာနိုင်ငံသား တဦးက ဧရာဝတီသို့ ပြောသည်။

Shwe Lone

ကမ္ဘာတစ်ဝန်း လူအခွင့်အရေးဆိုင်ရာ ကိစ္စရပ်များကို ဆောင်ရွက်နေသည့် အဖွဲ့ကြီးတစ်ခုဖြစ်သည့် Amnesty International သည် ရခိုင်ပြည်နယ် အတွင်း၌ တိုက်ခိုက် အကြမ်းဖက်မှုများ ဆက်လက်ဖြစ်ပေါ်နေကြောင်းနှင့် တိုက်ခိုက်ခံရသူ အများစုမှာ “မူစလင် ရိုဟင်ဂျာ” များဖြစ်ကြောင်း ယနေ့တွင် ယင်းတို့၏ အင်တာနက် စာမျက်နှာပေါ်နှာ ထုတ်ဖော်ကြေညာခဲ့သည်။

ဝါရှင်တန်အခြေစိုက် ယင်းအဖွဲ့၏ ကြေညာချက်တွင် မြန်မာအစိုးရ လုံခြုံရေးတပ်များနှင့် ဗုဒ္ဓဘာသာ ရခိုင်လူမျိုးများသည် ရိုဟင်ဂျာ များအား ဦးတည်တိုက်ခိုက်မှုများ ပြုလုပ်လျက်ရှိပြီး၊ ယင်းတိုက်ခိုက်မှုများကြောင့် လူပေါင်းများစွာ ရိုက်နှက်၊ သတ်ဖြတ်၊ မုဒိမ်းကျင့် ခြင်း ခံခဲ့ရကြောင်း ဖော်ပြပါရှိသည်။ 

“ပြည်နယ်တွင်းမှာ အရေးအပေါ် အခြေအနေ ကြေညာခဲ့တယ်ဆိုတာကို အခွင့်ကောင်းယူပြီး လူ့အခွင့်အရေး ချိုးဖောက်တဲ့ လုပ် ရပ်တွေ ဆောင်ရွက်ဖို့ မဟုတ်ပါဘူး။ လူ့သားတွေရဲ့ အခွင့်အရေးကို ကြည့်ပြီး၊ လူမျိုးနဲ့ ဘာသာမခွဲခြားဘဲ ဘေးရန်မှ အကာ အကွယ်ပေး ဖို့ဆိုတာ လုံခြုံရေးတပ်တွေရဲ့ တာဝန်ပါပဲ။” ဟု Amnesty International ၏ မြန်မာနိုင်ငံ၏ အခြေအနေအား လေ့ လာသူဖြစ်သူ Benjamin Zawacki က ပြောပြခဲ့သည်။ 

“အရေးပေါ် အခြေအနေ ကြေညာပြီးချိန်ကစပြီး နစခ၊ ရဲတပ်ဖွဲ့နဲ့ စစ်တပ်တို့ပါဝင်တဲ့ အစိုးရ လုံခြုံရေးတပ်တွေဟာ ရခိုင်ပြည်နယ်တွင်း ရိုဟင်ဂျာတွေ အနေများတဲ့ ဒေသတွေမှာ ရှင်းလင်းရေးတွေ ဆောင်ရွက်ခဲ့ပါတယ်။ ရိုဟင်ဂျာ အမျိုးသား၊ လူကြီးရော၊ လူငယ်တွေကို ပါ၊ ဖမ်းဆီးခေါ်ဆောင်သွားပါတယ်။ အများစုကတော့ ပြင်ပနဲ့ ဆက်သွယ်ခွင့် မရရှိသလို၊ ဖမ်းဆီးခံထားရစဉ်မှာ လူမဆန်စွာ ဆက် ဆံခြင်း ခံနေရတာတွေလဲ ရှိပါတယ်။” ဟု ယင်းက ဆက်လက်ပြောပြခဲ့သည်။ 

Amnesty International ၏ အင်တာနက် စာမျက်နှာတွင် လုံခြုံရေးတပ်များ၏ ဖမ်းဆီးမှုအများစုမှာ လူမျိုးရေးနှင့် ဘာသာရေး ခွဲခြားကာ ဖမ်းဆီးခဲ့ခြင်းဖြစ်ကြောင်း၊ လွတ်လပ်စွာ ယုံကြည်ကိုးကွယ်ခွင့်ကို ချိုးဖောက်နေသည်ဟုလည်း ဖော်ပြထားသည်။ ယင်း အတွက်ကြောင့် နိုင်ငံရေး အကျဉ်းသားဟု သတ်မှတ်နိုင်သည့် အကျဉ်းသား အရေအတွက်မှာလည်း သိသိသာသာ တိုးတက် လာနေကြောင်း ဆိုခဲ့သည်။ 

ယင်းကဲ့သို့ ဖမ်းဆီးထိန်းသိမ်းခြင်း ခံထားရသူများအား နိုင်ငံတကာ ဥပဒေစံနှုန်းများဖြင့် တရားစွဲဆိုနိုင်မှာသာ ဆက်လက်ထိန်းသိမ်း ထားရန်နှင့် တရားမျှတမှု၊ ဘက်လိုက်မှုနှင့် သေဒဏ် ကင်းမဲ့သော တရားစီရင်ရေး ဖြစ်ရန် လိုအပ်ကြောင်းလည်း သိရှိရသည်။ 

ထို့အပြင် Amnesty International အနေဖြင့် ရိုဟင်ဂျာများအား နိုင်ငံသားအဖြစ် လက်ခံမှုမရှိသည့် ၁၉၈၂ ခု နိုင်ငံသား ဥပဒေ အား ဖြည့်စွက် (သို့) ပြင်ဆင်သွားရန် ပြည်ထောင်စုလွှတ်တော်အား အလေးအနက် တိုက်တွန်းလိုက်သည်ဟု ဖော်ပြထားသည်။

Amnesty International ၏ မူရင်းကြေညာချက်အား ဖတ်ရှုရန် -

http://www.amnestyusa.org/news/press-releases/abuse-against-myanmar-s-rohingya-erodes-recent-progress